Chaploosi

چاپلوسی

 ابھرتے سورج کو سلام کرتا ہے

شب و روز وہ یہی کام کرتا ہے

بھلے ہی کچھ کرے نہ کرے لیکن

چاپلوسی تمام کرتا ہے

محب اللہ رفیق

चापलूसी

उभरते सूरज को सलाम करता है 

शब ओ रोज़ वो यही काम करता है 

भले ही कुछ करे न करे लेकिन 

चापलूसी तमाम करता है 

मोहिबुल्लाह

Fariza Insaniyat ka (kahani)

 کہانی

فریضہ انسانیت کا

آج کل دن زمانہ بڑا خراب ہو گیا ہے. انسانیت نام کی چیز نہیں ہے۔ سب آپس میں ہی لڑ جھگڑ رہے ہیں۔ پہلے ایسا نہیں تھا۔ سب کس قدر مل جل کر رہتے تھے۔ ایک دوسرے سے میل محبت سے رہنا ایک دوسرے کا خیال کرنا۔ کتنا اچھا ماحول تھا۔ اب تو نہ گھر میں محبت ہے نہ پڑوسی سے لگاؤ اور آگے بڑھیں تو لوگ ایک دوسرے کے مذہب سے بھی چڑھتے ہیں اور اسی کو لے کر بوال بھی ہوتا ہے۔ ڈرائیور بے چارہ ایک سرمیں بولے جا رہا تھا اور پسنجر کے ساتھ موجودہ حالات پر روشنی ڈال رہا تھا۔

اسی دوران پھٹ سے آواز آئی اور سی.... سی... کرتے گاڑی بیٹھنے لگی۔ ڈرائیور سمجھ گیا کہ ٹائر پنکچر ہو گیا ہے۔ 

اس نے آٹو سائڈ کرتے ہوئے کہا :

" گھبرائیے نہیں ہمارے پاس اسٹیپنی ہے ہم ابھی چکا بدل دیتے ہیں پھر چلیں گے۔" 

پیسنجر کو تھوڑا سکون ملا۔ کیوں کہ اس روٹ پر زیادہ گاڑی چلتی بھی نہیں ہے۔

گاؤں میں پیسنجر گاڑی کی ویسے بھی کی کم ہی سہولت ہوتی ہے۔ ڈرائیور مکیش تیواری بڑے محنتی آدمی تھے اور بڑی ایمانداری سے اپنا کام کرتے تھے۔ اس روٹ پر وہ برسوں سے گاڑی چلاتے آ رہے ہیں، زیادہ تر وہ ریزرو میں ہی چلتے ہیں خاص کر دکاندار کا سامان لانا لے جانا، مریضوں کو اسپتال پہنچانا کسی کو ٹرین پکڑنے کے لیے جانا ہو تو تھوڑا لمبا سفر ہوتا ہے۔ اس کے پاس ایک اسمارٹ فون تھا جس پر لوگ اسے روزانہ بکنگ کے لیے فون کرتے تھے۔ اسٹیپنی بدلنے کے دوران اس کا وہ موبائل فون گر گیا جس کا اسے احساس نہیں ہوا۔ 

اس دوران وہ پسنجر کو لے کر کئی چکر لگا چکا تھا. آدھا دن گزرنے پر جب اسے احساس ہوا کہ کیا بات ہے ابھی تک بکنگ کے لیے کوئی کال نہیں آئی۔ وہ اپنی جیب میں ہاتھ ڈال کر فون ڈھونڈنے لگا پتہ چلا فون ہے ہی نہیں۔ گاڑی میں ادھر ادھر تلاش کیا پھر بھی نہیں ملا۔ اس نے موٹر مکینک کو کہا : 

"بھائی تم نے میرا موبائل دیکھا شاید یہاں پنکچر بنوانے کے لیے چکا دیا تھا اس وقت گر گیا ہو۔ اس نے نہیں بھائی یہاں نہیں ہے۔" 

اب موبائل وہاں ملتا کیسے وہاں گرا ہو تب نا۔۔۔وہ تو راستے میں ہی گر گیا تھا اور اس درزی (ندیم انصاری) کے ہاتھ لگا جو روزانہ اپنی دکان پر سلائی کے لیے آتا جاتا تھا۔ 

اتفاق سے درزی کی سائکل کا اگلا چکہ موبائل فون پر چڑھا ہی تھا کہ وہ پھسل گیا دیکھا کہ کسی کا فون ہے۔ دائیں بائیں دیکھا تو کچھ لوگوں کا مکان دکھا. سوچا کہ ان ہی لوگوں کو دے دیتا ہوں مگر پھر خیال آیا کہ نہیں اسے اپنے پاس رکھ لیتا ہوں، جس کا ہوگا وہ فون کرے گا۔ اس دوران اس نمبر پر کئی لوگوں کے فون آئے سب نے کہا: 

مکیش کہاں ہے؟ گاڑی لے آنا، کرانا کا سامان لے جانا ہے۔ ادھر سے اس درزی نے جواب دیا یہ فون مکیش کے پاس نہیں ہے۔ اور مکیش کا پتہ اس گراہک سے پوچنے لگا. تو اس نے پوری تفصیلات بتائی اور اس طرح اس کو موبائل والے کی شناخت ہوگئی۔ 

ادھر مکیش اب پریشان ہو گیا کہ میرا فون آخر کہاں گرا؟ 

اس نے وہیں موٹر ورکشاپ کے پاس سے مکینک کا فون لے کر اپنے فون پر کال کیا۔ گھنٹی گئی ادھر سے آواز آئی کون ہے؟

اس نے کہا:

’’میرا نام مکیش ہے میں ڈرائیور ہوں. یہ میرا فون ہے، جو راستے میں گر گیا تھا۔‘‘ 

درزی نے پھر پوچھا: 

’’کہاں گھر ہے؟ کدھر مکان ہے؟‘‘

 اس نے جواب دیا: 

’’رشید پور مسجد کے پاس ہی میرا گھر ہے۔‘‘

 اب درزی کو یقین ہو گیا کہ یہ فون اسی کا ہے اس نے فورا ہی کہا:

’’آپ کا فون میرے ہی پاس ہے۔ راستے میں گرا تھا۔ آپ شام کو فون کیجئے میں پٹرول پمپ کے پاس ملوں گا وہیں آپ کو فون دے دوں گا۔‘‘

اب مکیش کی جان میں جان آئی اور شام ہوتے ہی وہ پٹرول پمپ کے پاس پہنچ گیا اور کسی سے فون لے کر اس سے بات کی۔ 

درزی نے موبائل دیتے ہوئے بتایا:

’’جانتے ہیں جہاں پر فون گرا ملا تھا وہاں میں نے کسی کو کیوں نہیں دیا کہ مجھے بھروسہ نہیں تھا کہ وہ آپ تک آپ کی چیز پہنچائیں گے۔ جب کہ  مجھے یقین تھا کہ جس کا بھی فون ہوگا. وہ ضرور بات کرتے گا۔ یہ لیجئے آپ کی امانت. اب میری ذمہ داری پوری ہوئی۔

مکیش نے اس کا شکریہ ادا کرتے ہوئے کہا: 

’’جانتے ہیں اتنی برائی اور نفرتوں کے بعد بھی یہ دنیا کیوں چل رہی ہے؟ آپ جیسے بہت سے ایمان دار آدمی اب بھی دنیا میں ہیں جو کسی طرح کا بھید بھاؤں نہیں کرتے اور اپنا کرتویہ سمجھتے ہیں۔ اس لیے یہ دھرتی بچی ہے. دھنیہ واد‘‘ 

درزی نے معصومیت سے جواب دیا. یہ انسانیت کا فریضہ ہے جو ہمیں ادا کرنا ہی تھا۔ ہم سب کو اپنی ذمہ داری ادا کرنی چاہیے. 

محب اللہ قاسمی

Allah ki Marzi Mobile Mil gaya

 اللہ کی مرضی موبائل فون مل گیا

    کل دو پہر کا واقعہ ہے جب میں اپنے فرزند ارجمند کو لے ڈاکٹر کے پاس جا رہا تھا. ہمیں نظام الدین ایسٹ اے بلاک جانا تھا. ابوالفضل سے بس کے انتظار میں تھا تو بیٹے نے کہا: آٹو سے ہی چلیے، نہیں تو بس کے انتظار میں دیر ہو جائے گی. پھر ڈاکٹر صاحب بھی لنچ پر چلے جائیں گے تو جانے کا فائدہ نہیں ہوگا.

    میں نے کہا: ٹھیک ہے بیٹا آٹو سے ہی چلتے ہیں اور ایک آٹو رکشہ والے کو ہاتھ دیا. اس نے رکتے ہوئے سو روپے کہا اور ہم نے کہا ٹھیک ہے بس جلدی لے چلو.

ہم نظام الدین پہنچ گئے بیٹے کا ہاتھ پکڑا اور کاغذات رپورٹس کی فائل لے کر آٹو سے اتر گیا. اب خیال آیا کہ ڈاکٹر صاحب کا پتہ موبائل میں محفوظ ہے نکال لیتا ہوں. اے بلاک میں ہی ان اسپتال ہے.

    ایک تو سردی میں بہت سے کپڑے ان میں بہت سی جیبیں سب تلاش کرنے لگا مگر فون نہیں ملا. اب میں پریشان اتنی ہی دیر میں کیا کیا سوچنے لگا. کہاں گرا؟ اب کیا ہوگا؟ فون خریدنا بھی مشکل ہے. کیسے گم ہو گیا؟ وغیرہ وغیرہ. 

    میں نے کہا بیٹا لگتا ہے وہ آٹو میں ہی چھوٹ گیا ہے. اب آٹو والے کو کہاں ڈھونڈوں! اب میں ادھر ادھر آٹو والے کو دیکھنے لگا اور سوچ رہا تھا کہ وہ تو کسی سواری کو لے کر کہیں دور چلا گیا ہوگا اب اسے ڈھونڈیں گے کیسے؟ 

    تبھی بیٹا بولا... ابو ابو وہ دیکھیے سڑک کے اس پار وہی آٹو والا ہے خیر ہم کسی طرح بیٹے کو لیے اس رواں دواں سڑک جس پر گاڑیاں دوڑ رہی تھی. انھیں ہاتھ دے کر روکتے ہوئے کسی طرح راستہ کراس کیا. ساتھ میں آواز بھی لگا رہا تھا آٹو آٹو... رکو رکو....خیر اس نے میری آواز سن لی اور رک گیا. ہم اس کے قریب پہنچے اور سواری سیٹ پر فوراً نظر ڈالی. میرا فون اس سیٹ پر اکیلے قبضہ جمائے گہری نیند میں پڑا تھا. میں نے اسے جگائے بنا ہی فوراً اٹھایا اور زبان سے نکلا الحمدللہ. میرا فون مل گیا. ڈرائیور کو اس واقعہ پر تعجب ہوا...اور مجھے حسرت بھری نگاہ سے دیکھنے لگا. میں نے اس کا بھی شکریہ ادا کیا. 

    اب اپنے بیٹے کا ہاتھ تھامے اس سے کہتے ہوئے وہاں سے ڈاکٹر کی طرف جانے لگا: بیٹا ایک بات ہمیشہ یاد رکھنا اللہ جو چاہتا ہے وہی ہوتا ہے اس کی مرضی نہیں تھی کہ میرا فون گم ہو سو ایسا نہیں ہوا. ورنہ تم نے دیکھا کہ اس فون کا واپس ملنا کتنا مشکل تھا. اس لیے تم ہمیشہ اپنی محنت کوشش جاری رکھنا مگر یہ بات ذہن میں ضرور رکھنا کہ جو ہوگا اللہ کی مرضی سے ہوگا اور اسی میں ہماری بھلائی ہے. ہم اس کے بندے اور غلام ہیں.

 

محب اللہ قاسمی

Maulana Jamaluddin Sb Alwedai Taqreeb

 الوداعی تقریب مولانا جمال الدین قاسمی

حضرت الاستاذ مولانا جمال الدین صاحب باہتمام باشندگان فاطمہ چک 

علم روشنی ہے اور استاد مثل چراغ جو علم کی روشنی باٹ کر اندھیرا دور کرتے ہیں. کسی نے درست کہا ہے کہ 

رہبر بھی یہ ہمدم بھی یہ غم خوار ہمارے

استاد یہ قوموں کے ہیں معمار ہمارے

فاطمہ چک کے بیشتر نوجوانوں اور نونہالوں کے استاد حضرت مولانا جمال الدین صاحب مدرسہ اسلامیہ ڈمری سے اسی ماہ جون میں ریٹائر ہو کر مدرسہ اسلامیہ عربیہ ڈمری شیوہر بہار میں اپنی خدمات سے سبک دوش ہو رہے ہیں.

جن کے کردار سے آتی ہو صداقت کی مہک

ان کی تدریس سے پتھر بھی پگھل سکتے ہیں 

اس موقع پر موصوف کی 41 سالہ طویل اور باوقار تدریسی خدمات (29 فروری 1984 تا 30 جون 2025) کے اعتراف میں عقیدت وہ محبت اور اظہار تشکر کے طور پر مولانا محترم کے اعزاز میں مورخہ 21 جون کو بعد نماز مغرب بمقام فاطمہ چک ماسٹر عتیق الرحمن صاحب کی رہائش گاہ کے وسیع دروازے پر ایک شاندار تاریخی الوداعیہ تقریب کا اہتمام باشندگان فاطمہ چک کی جانب سے کیا گیا. 

مولانا موصوف مشرقی چمپارن کے ایک گاؤں دپہی میں 22 جون 1963 میں پیدا ہوئے. اعلی تعلیم کے لیے بیتیاں سے دارالعلوم دیوبند گئے اور سنہ 1980 میں وہاں فضیلت اور 1981 میں تکمیل عربی ادب کیا اور پھر حصول تعلیم کی تکمیل سے واپسی پر آزاد مدرسہ ڈھاکہ مشرقی چمپارن میں تدریسی خدمات پر لگ گئے اور اور فروری 1984 تا جون 2025 مدرسہ اسلامیہ عربیہ ڈمری میں بہ حیثیت استاد اپنی 41 سالہ خدمات انجام دے ریٹائر ہو رہے ہیں. 

اس الوداعیہ تقریب کا آغاز حسب دستور فاطمہ چک مسجد کے امام صاحب کی تلاوت کلام پاک سے ہوا. اس کے بعد محمد سعید نے نعتیہ کلام پیش کیا. مولانا ساجد صاحب معاون مترجم نے مولانا کا تفصیلی تعارف سامنے رکھا. پھر شرکاء پروگرام میں سے کچھ حضرات نے اپنے استاد محترم سے اپنی عقیدت کا اظہار کرتے ہوئے اپنے تاثرات بیان کئے اور تحفے تحائف بھی پیش کیے جو اس بات کا ثبوت تھا کہ باشندگان فاطمہ چک اپنے اساتذہ کا احترام کرتے ہیں اور انھیں کبھی فراموش نہیں کرتے. 

اس کے بعد مولانا محترم نے اپنے اظہار خیال میں گاؤں والوں سے اپنی محبت کا اظہار کیا اور نصیحت آمیز گفتگو میں اس بات پر زور دیا کہ تعلیم کے ساتھ ساتھ اپنا تعلق مسجد سے مضبوط کریں اور اللہ سے لو لگائیں ساری مشکلات کا حل یہی سے نکلے گا. 

واضح رہے کہ پروگرام کی صدارت گاؤں کی بزرگ شخصیت الحاج جناب محمد عطاء اللہ صاحب نے کیا جب کہ پروگرام کی نظامت کا فریضہ محب اللہ قاسمی نے انجام دیا اور مولانا مفتی فخرالدین صاحب کی دعا پر پروگرام کا اختتام ہوا. 

محب اللہ قاسمی

سکریٹری مسجد کمیٹی فاطمہ چک شیوہر بہار

Per Lagayen ham

 

पेड़ लगाएँ 

मामूली खताओं को चलो माफ़ करें हम

और पेड़ लगा कर के फेज़ा साफ़ करें हम

आलुदगी इतनी है की दम घुटने लगा है

माहौल से भी चाहिए इंसाफ़ करें हम

मोहिबुल्लाह 

-------------

मामूली... छोटी - मोटी 

खता... गलती

फिज़ा... पर्यावरण 

आलोदगी... प्रदूषण 

महौल... जहां हम रहते हैं. आस-पास