Hamd Bari Tala

حمد

                      محب اللہ رفیق

دل بنانے والے تو نے ضبط بخشا ہے مجھے

یہ ترا مجھ پر کرم محسوس ہوتا ہے مجھے

تیرے در کو چھوڑ کر جاؤں کہاں میرے کریم

یہ زمانہ اب ترا درویش کہتا ہے مجھے

غم کا بادل سر پہ ہے اور،  راہ بھی ہے پر خطر

بس سہارا ہی ترا منزل دکھاتا ہے مجھے

کچھ نہیں جھولی میں میری صاف ہے فرد عمل

اجر کے قابل تو بس تونے ہی سمجھا ہے مجھے

سوچتا ہوں میں یہ اکثر بعد از حمد و ثنا

کون اپنی حمد کی توفیق دیتا ہے مجھے

ہے پریشانی میں آسانی نہ گھبرا اے رفیقؔ

یہ کلام کبریا مژدہ سناتا ہے مجھے