غزل
درد و الم کا مسکن اب ڈہہ نہیں سکے گا
آنکھوں کا خشک پانی اب بہہ نہیں سکے گا
جان حزیں تو لے لی سمع و بصر بھی لے لو
تم کو خراش آئے دل سہہ نہیں سکے گا
میں مانتا ہوں پیکر تو حسن کا نہیں ہے
لیکن بغیر تیرے دل رہ نہیں سکے گا
فکرِ معاش کیا ہے تو جان لے گا اے دل
دم توڑتا تیرا گھر جب رہ نہیں سکے گا
جس کے لیے گنوایا سب کچھ رفیقؔ تونے
حق میں ترے کبھی وہ کچھ کہہ نہیں سکے گا
محب اللہ رفیقؔ
No comments:
Post a Comment